وزیراعظم آفس کے سامنے خود سوزی،عمران خان نے نوٹس لے لیا
عمران خان نے وزیراعظم آفس کے سامنے ایک شخص کی خود سوزی کے
واقعے کا نوٹس لیتے ہوئے تحقیقات کا حکم دیدیا ہے۔
آج وزیراعظم پاکستان کے آفس کے باہر ایک شخص نے پیٹرول ڈال کر خود کو آگ لگا دی اور ہسپتال میں جاں بحق ہوگیا تھا ، خود سوزی کرنے والے شخص نے مرنے سے قبل وزیراعظم نے نام ایک خط لکھا تھا جس میں اس کا کہنا تھا کہ میرا قصور صرف اتنا ہے کہ میں نے عمران خان کو ووٹ دیا اور لوگوں سے بھی عمران خان کو ووٹ دینے کا کہا،
خط میں متاثرہ شخص نے لکھا مجھ پر 20 لیٹر شراب کا جھوٹا مقدمہ درج کیا گیا، میں نے تحریک انصاف کے ایک عہدیدار کے خلاف وزیراعظم سیکریٹریٹ میں درخواست دائر کی تھی یہ درخواست سی پی او راولپنڈی کو مارک بھی کی گئی لیکن کوئی کارروائی نہیں ہوئی، خط میں اس حکومتی عہدیدار کے خلاف کارروائی کا مطالبہ کیا گیا تھا۔
آج عمران خان نے واقعے کا نوٹس لیتے ہوئےچیف کمشنر کو ہدایات جاری کیں کہ فوری طور پر واقعے کی جوڈیشل انکوائری کروائی جائے، ضلعی مجسٹریٹ 48 گھنٹوں نے اندر وزیراعظم کو انکوائری کی رپورٹ پیش کریں گے۔
No comments: