کورونا وائرس کے خلاف سب سے موثر دوا
کورونا وائرس کے خلاف سب سے موثر دوا
لندن(مانیٹرنگ ڈیسک) دو ہفتے قبل صدر ٹرمپ نے ملیریا کی دوا ’ہائیڈروکسی کلوروکوئین‘ کو کورونا وائرس کا علاج قرار دیا تو دنیا میں ان کے متعلق بہت کچھ کہا گیا لیکن اب دنیا کے ہزاروںڈاکٹروں نے صدر ٹرمپ کے اس دعوے کی تصدیق کر دی ہے۔ میل آن لائن کے مطابق ایک سروے کیا گیا ہے جس میں امریکہ، چین اور یورپی ممالک سمیت دنیا کے 30ملکوں کے ڈاکٹروں سے پوچھا گیا ہے کہ اب تک کورونا وائرس کے خلاف کوئی سی دوا سب سے زیادہ مو¿ثر ثابت ہو رہی ہے۔ 6200ڈاکٹروں سے یہ سوال پوچھا گیا جن میں سے 37 فیصد ڈاکٹروں نے جواب دیا کہ ملیریا کی دوا ہائیڈروکسی کلوروکوئین اب تک کورونا وائرس پر سب سے زیادہ مو¿ثر ثابت ہونے والی دوا ہے۔
ان ڈاکٹروں کے مطابق اب تک کوئی اور دوا ہائیڈروکسی کلوروکوئین سے زیادہ موثر ثابت نہیں ہو سکی۔ صدر ڈونلڈٹرمپ نے جب اس دوا کے متعلق خوشخبری سنائی تھی تو کئی طبی ماہرین نے بھی اس کے برعکس دعویٰ کیا تھا اور کہا تھا کہ اس دوا کا کورونا وائرس پر اثر مصدقہ نہیں ہے۔ عالمی ادارہ صحت کی طرف سے تو کہا گیا ہے کہ اب تک کوئی ایسی دوا سامنے نہیں آئی جو کورونا وائرس کو روک سکے یا اس کا علاج ثابت ہو سکے۔اس کے باوجود ہائیڈروکسی کلوروکوئین کو دنیا بھر کے ڈاکٹر کورونا وائرس کے مریضوں پر آزما رہے ہیں۔ برطانیہ ایک ایسا ملک ہے جہاں اس دواکے کلینکل ٹرائیلز کیے جا رہے ہیں اور معلوم کرنے کی کوشش کی جا رہی ہے کہ یہ دوا کورونا وائرس کے مریضوں کے لیے موثر اور محفوظ ہے یا نہیں۔
