ملک میں کورونا وائرس کے افراد کی تعداد 2600 سے تجاوز

ملک  میں کورونا وائرس کے مزید 263 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 2691 تک پہنچ گئی ہے۔

تفصیلات کے مطابق ملک میں کورونا وائرس کے آج 263 افراد میں مہلک وائرس کی تشخیص ہوئی جن میں سندھ سے 69  ، خیبرپختونخوا میں 32 ،بلوچستان میں 6، پنجاب میں 147، اسلام آباد میں 6 اور گلگت بلتستان میں 3 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 830 ، بلوچستان میں 175 ، خیبرپختونخوا میں 343 ،اسلام آباد میں 68  ، گلگت بلتستان میں 197 ، پنجاب میں 1069 اور آزاد کشمیر میں 9 مریض موجود ہے۔

یاد رہے اس سے قبل ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 69  کیسز سامنے آئے ہیں جس کے بعد صوبے میں کل کیسز کی تعداد 830 تک پہنچ چکی ہے۔

ترجمان محکمہ صحت نے مزید کہا کہ سندھ میں 65  مریض صحت یاب ہوئے ہیں جن میں 39 افراد کا تعلق کراچی، 25 افراد کا تعلق سکھر اور ایک کا حیدرآباد سے ہے جبکہ  13 جاں بحق ہوچکے ہیں جن میں 12 افراد کا تعلق کراچی اور 1 کا تعلق حیدرآباد  سے ہے ۔

دوسری جانب وزیراعلیٰ پنجاب سردار عثمان بزدار  نے سماجی رابطے کی وین سا ئٹ ٹویٹر پر اپنے ایک پیغام میں کہا کہ پنجاب میں متاثرہ مریضوں کی تعداد 1069 ہو گئی ہے۔

Usman Buzdar

@UsmanAKBuzdar

We have 1,069 confirmed #COVID19 cases in the province. 563 cases are in quarantines while non-quarantined patients are 506. One of the patients is critical while 6 have recovered so far. We are increasing our testing capacity by upgrading our labs to BSL-3.

#StayHomeStaySafe

اپنے پیغام میں وزیر اعلیٰ پنجاب سردار عثمان بزدار نے کہا کہ اعدادوشمار کے مطابق کورنٹین سنٹرز میں 563 زائرین ، 506 عام شہریوں میں کورونا وائرس کی تصدیق ہوئی جبکہ لاہور میں 210، قصور 1، ننکانہ صاحب 13، شیخوپورہ 1، راولپنڈی 55، جہلم 29، گوجرانوالہ میں 15، گجرات 95، منڈی بہاوالدین 14، بہاولنگر 3، بہاولپور 2، لودھراں 2، لیہ ایک، ڈی جی خان میں 5 مریض، سیالکوٹ میں 2، سرگودھا 10، میانوالی 3، خوشاب 1، ملتان 2، وہاڑی 19، فیصل آباد 9، چینیوٹ 1، رحیم یار خان میں 5 مریض، حافظ آبادمیں بھی 5، ناروال میں 2 مریض اور اٹک میں ایک مریض ہے۔

دریں اثناء محکمہ اطلاعات گلگت بلتستان نے اپنے ایک بیان میں کہا کہ گلگت بلتستان میں 3 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 197 ہوگئی ہےجبکہ بلوچستان میں بھی مزید 6 کیسز سامنے آئے جس کے بعد صوبے بھر میں کوروناوائرس کے کل کیسز کی تعداد 175 ہوگئی ہے۔

اسی عرصے میں خیبرپختونخوا میں 32 افراد میں کوروناوائرس کی تصدیق ہو ئی جس کے بعد صوبے بھر میں کوروناوائرس کے کل کیسز کی تعداد 343 ہوگئی ہےجبکہ اسلام آباد میں بھی مزید 6 کیسز سامنے آئے جس کے بعد صوبے بھر میں کوروناوائرس کے کل کیسز کی تعداد 68 ہوگئی ہے۔