بیجنگ(مانیٹرنگ ڈیسک) کورونا وائرس کے باعث دنیا میں فیس ماسک اور دیگر ایسی مصنوعات کی شدید قلت ہو چکی ہے۔ گزشتہ دنوں امریکی خریداروں نے چین سے فیس ماسک فرانس لیجانے والے کارگو طیارے کو رن وے پر روک لیا اور تین گنا قیمت ادا کرکے یہ لاکھوں فیس ماسک خود خرید لیے اور جہاز کا رخ فرانس کی بجائے امریکہ کی طرف کروا دیا۔ میل آن لائن کے مطابق یہ جہاز شنگھائی ایئرپورٹ سے فرانس کے لیے روانہ ہو رہا تھا۔ فرانس کی طرف سے ان فیس ماسکس کا آرڈر دیا گیا تھا۔

رپورٹ کے مطابق جب کارگو جہاز فرانس کا یہ آرڈر پہنچانے شنگھائی ایئرپورٹ سے نکلنے والا تھا، امریکی خریدار وہاں پہنچ گئے اور تین گنا زیادہ قیمت نقد ادا کرکے تمام ماسک خود خرید لیے۔ فرانسیسی گرانڈ ایسٹ ریجنل کونسل کے صدر ڈاکٹر جین روتھر نے آر ٹی ایل ریڈیو سے گفتگو کرتے ہوئے بتایا کہ ”لاکھوں فیس ماسک طیارے میں لوڈ ہو چکے تھے اور طیارہ روانہ ہونے ہی والا تھا کہ امریکی خریدار رن وے پر آ گئے اور تین گنا نقد رقم کی پیشکش کر دی، جس پر چینی کمپنی نے یہ کھیپ فرانس کی بجائے امریکہ بھجوا دی۔ فرانس نے اس کھیپ کی قیمت ڈلیوری کے بعد ادا کرنی تھی لیکن امریکی رقم اپنے ساتھ رن وے پر لے کر آ گئے تھے جس پر ہم یہ بولی ہار گئے۔“

بیجنگ(مانیٹرنگ ڈیسک) چین میں کورونا وائرس کے مریض کو غفلت برتنے پر 18ماہ کے لیے جیل بھجوا دیا گیا۔ میل آن لائن کے مطابق اس شخص کا نام گوو بتایا گیا ہے جو مارچ کے اوائل میں یورپ گیا تھا اور واپس آ کر اس نے اپنے اس سفر کے متعلق حکام کو اطلاع نہیں دی تھی۔ اس سفر میں وہ جرمنی اور فرانس گیا جہاں وائرس کافی پھیلا ہوا تھا۔ واپس آنے کے چند دن بعد اس کو بخار ہو گیا اور وائرس کی دیگر علامات ظاہر ہو گئیں۔

پولیس کو جب گوو کے واپس آنے کی اطلاع ملی تو انہوں نے اس کے فون پر رابطہ کیا لیکن اس کا فون بند تھا۔ پولیس نے اس کی والدہ سے بات کی تو اس نے جھوٹ بول دیا کہ اس کا بیٹا بیرون ملک گیا ہی نہیں۔ گوو نے اپنے واپس آنے کی اطلاع نہ دی اور پھر سیلف آئسولیشن سے بھی انکار کرتے ہوئے خود کو حکام سے چھپانے کی کوشش کی۔ پولیس نے چین کے میس سرویلنس سسٹم کے ذریعے گوو کی نقل و حرکت کی نگرانی کی اور اسے گرفتار کرلیا۔

میڈرڈ(مانیٹرنگ ڈیسک) سپین میں ایک گھر کے تمام افراد، جن میں 11بچے بھی شامل ہیں، کورونا وائرس کا شکار ہو گئے۔ میل آن لائن کے مطابق گھر کے سربراہ سیبریان گرویس نے بتایا ہے کہ اس کے گیارہ بچے اور گھر کے دیگر تمام افراد ایک ایک کرکے کورونا وائرس میں مبتلا ہو چکے ہیں اور اب سب لوگ گھر میں الگ الگ کمروں میں قرنطینہ میں ہیں۔ سب سے پہلے میری بیوی آئرینی گرویس کو وائرس لاحق ہوا تھا، جس سے آگے تمام خاندان کو منتقل ہو گیا

سیبریان کا کہنا تھا کہ ”میرے بچے ایک ایک کرکے بیمار ہونا شروع ہوئے۔ اب تک ان میں سے کچھ کی حالت بہتر ہو چکی ہے اور کچھ کی حالت پہلے سے زیادہ خراب ہوتی جا رہی ہے۔ڈاکٹروں نے ہمیں کم از کم 2ہفتے تک ایک دوسرے سے مکمل طور پر الگ تھلگ رہنے کو کہا ہے۔ خوش قسمتی سے ہم میں سے کسی کی حالت اتنی تشویشناک نہیں ہوئی کہ ہسپتال منتقل ہونا پڑے۔“ واضح رہے کہ سیبریان اور آئرینی کے ان گیارہ بچوں کی عمریں 1سے 15سال کے درمیان ہیں۔

جمعرات کے روز دنیا بھر میں کورونا وائرس سے متاثرہ افراد کی تعداد 10لاکھ سے تجاوز کر گئی۔ ہلاک ہونے والی کی تعداد ہزاروں میں ہے اور دنیا بھر کے ماہرین وارننگ دے رہے ہیں کہ آئندہ دنوں میں صورتحال مزید سنگین ہو سکتی ہے۔ اربوں لوگ لاک ڈاﺅن میں ہیں اور ممالک کی معیشت منجمد ہو چکی ہے۔ چنانچہ اس سال عالمی معیشت کی شرح نمو 2.2فیصد رہے گی جو 1998ءکے مالی بحران کے بعد کم ترین ہو گی۔اس مالی بحران کی وجہ سے شرح نمو 1.7فیصد پر چلی گئی تھی۔

ایشیائی ترقیاتی بینک کے چیف اکانومسٹ یسویوکی سویڈا کا کہنا تھا کہ ”کوئی نہیں جانتا کہ کورونا وائرس کی وباءمزید کتنی پھیلے گی اور کب تک دنیا میں رہے گی، چنانچہ اس سے پہنچنے والے عالمی معاشی نقصان کا بھی درست تخمینہ بھی مشکل ہے۔تاہم ایک امکان ہے کہ دنیا کو شدید مالی بدحالی اور بحران کا سامنا کرنا پڑے گا جس سے نکلنے میں بہت وقت لگے گا۔چین خطے کی سب سے بڑی معیشت ہے۔ کورونا وائرس کی وجہ سے اس کی شرح نمو بھی رواں سال 2.3فیصد ہونے کا امکان ہے جو 2019ءمیں 6.1فیصد تھی۔“

سپین کی وزارت صحت کے مطابق ملک میں کورونا وائرس کے کیسز کی تعداد ایک ہی دن میں ایک لاکھ 17 ہزار 710 سے بڑھ کر ایک لاکھ 24 ہزار 736 ہوگئی ہے۔ کورونا وائرس کے نئے کیسز سامنے آنے کے بعد سپین میں مجموعی کیسز کی تعداد بڑھ کر اٹلی سے بھی زیادہ ہوگئی ہے۔

سپین میں گزشتہ 24 گھنٹوں کے دوران کورونا وائرس کی وجہ سے 809 افراد ہلاک ہوئے ہیں جس کے بعد ہلاکتوں کی تعداد 11 ہزار 744 ہوگئی ہے۔

جرمنی  اور ہالینڈ میں کورونا وبا کی بنا پر شدید خدشات سے دو چار مسلمانوں  کے حوصلے بلند رکھنے کے زیر مقصد لاؤڈ اسپیکروں سے اذان  کی آواز بلند کرنے پر عمل درآمد میں وسعت آئی ہے۔

جرمنی میں مذہبی امور ترک اسلام یونین اور اسلامی سوسائٹی قومی نظریہ سے تعلق رکھنے والی ایک سو کے قریب مساجد  میں کل لاؤڈ اسپیکروں کے ذریعے اذان   کہی گئی۔

خیال رہے کہ اس ملک میں غیر معمولی حالات کے علاوہ لاؤڈ اسپیکر سے اذان   پڑھنے کی ممانعت ہے۔  

ہالینڈ میں بھی کووڈ۔19 کے باعث سماجی تعاون کی خاطر  نماز سے قبل لاؤڈ اسپیکروں پر اذان  بلند کیے جانے کے عمل درآمد پر وسعت دیکھنے میں آرہی ہے۔

اس ملک میں یہی عمل درآمد کل نماز ِ جمعہ کے دوران بھی  کیا گیا ۔

بھارت کی ریاست چھتیس گڑھ میں لاک ڈاؤن کےدوران پیدا ہونےوالےجڑواں بچوں کےنام ’کورونا‘ اور ’کوویڈ‘رکھ دیئےگئے۔

بھارتی میڈیا کی رپورٹ کےمطابق بھارتی ریاست چھتیس گڑھ کےشہررائے پورمیں جڑواں بچوں کی پیدائش ہوئی جن میں ایک بیٹا اورایک بیٹی ہے۔

جُڑواں بچوں کےوالدین نے کوروناوائرس کی وجہ سےموجودہ صورتحال کودیکھتےہوئےاپنےدونوں بچوں کےنام ’کورونا‘اور’کوویڈ‘ رکھ دیئےہیں۔

جوڑے کابھارتی میڈیاسےگفتگوکرتےہوئےکہناتھاکہ اُنہوں نےاپنےایک بچےکانام ’کورونا‘ اوردوسرے کا ’کوویڈ‘اِس لیےرکھاہےتاکہ وہ ساری زندگی اُن مشکلات کویادرکھ سکیں جواُنہوں نےلاک ڈاؤن کی وجہ سےاپنےبچوں کی پیدائش کےدوران اُٹھائی ہے۔

واضح رہےکہ اِس سےقبل بھی بھارت کےشمال مشرقی علاقےسےتعلق رکھنے والےوالدین نےلاک ڈاؤن کےدوران پیداہونےوالی بچی کانام ’ کورونا‘ رکھاتھا۔

امریکی تحقیقتی رپورٹ کا کہنا ہے کہ پاکستان اپنی مجموعی ملکی پیداوار کا ایک قابلِ ذکر حصہ خیرات میں دیتا ہے۔

ملک بھر میں لاک ڈاؤن کے دوران شہر شہر سخی اور مخیر عوام کورونا کے خلاف متحد ہو گئے، غریب اور مستحق شہریوں  کو روزانہ کی بنیاد پر ران کی ترسیلات  شروع کر دی ہیں۔

امریکی یونیورسٹی اسٹینفورڈ کی تحقیقاتی  رپورٹ سامنے آگئی، رپورٹ کے مطابق ۔۔۔ پاکستان اپنی مجموعی ملکی پیداوار کا ایک قابلِ ذکر حصہ خیرات میں دیتا ہے۔

رپورٹ کے مطابق غریب اور مستحقین کی مدد میں پاکستان برطانیہ اور کینڈا سے بھی آگئے نکل آیا۔

امریکی یونیورسٹی اسٹینفورڈ میں کی گئی تحقیق کے مطابق پاکستان اپنی مجموعی ملکی پیداوار کا ایک قابلِ ذکر حصہ خیرات میں دیتا ہے جبکہ  ایک  اور تحقیق کے مطابق  پاکستان میں98 فیصد پاکستانی یا تو چندہ اور خیرات دیتے ہیں یا فلاحی کاموں میں اپنا وقت لگاتے ہیں۔

یاد رہے کہ مہلک وبا کے بڑھنے کے بعد پاکستانیوں نے بھی زکٰوۃ اور خیرات دینے میں اضافہ کر دیا ۔۔۔لوگوں میں جذبہ ہمدردی بہت بڑھا ہوا ہے اور وہ دل کھول کر امداد دے رہے ہیں  ۔

خیال رہے کہ ملک میں کورونا وائرس کے آج 159 افراد میں مہلک وائرس کی تشخیص ہوئی جن میں سندھ سے 22  ، خیبرپختونخوا میں 32 ،بلوچستان میں 6، پنجاب میں 90، اسلام آباد میں 6 اور گلگت بلتستان میں 3 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 783 ، بلوچستان میں 175 ، خیبرپختونخوا میں 343 ،اسلام آباد میں 68  ، گلگت بلتستان میں 197 ، پنجاب میں 1012 اور آزاد کشمیر میں 9 مریض موجود ہے۔

یاد رہے اس سے قبل ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 22  کیسز سامنے آئے ہیں جس کے بعد صوبے میں کل کیسز کی تعداد 786 تک پہنچ چکی ہے۔

ترجمان محکمہ صحت نے یہ بھی کہا کہ کراچی سے رپورٹ ہونے والے مریضوں کی مجموعی تعداد 342 ، شہید بے نظیر آباد سے 6 ، جامشورو سے 2، حیدرآباد میں کل تعداد 151 ، لاڑکانہ میں 7 ، دادو،جیکب آباد میں 1،1 جبکہ سکھر میں کل متاثرہ افراد کی تعداد 273 تک جاپہنچی ہے۔

ترجمان محکمہ صحت نے مزید کہا کہ سندھ میں 65  مریض صحت یاب ہوئے ہیں جن میں 39 افراد کا تعلق کراچی، 25 افراد کا تعلق سکھر اور ایک کا حیدرآباد سے ہے جبکہ  13 جاں بحق ہوچکے ہیں جن میں 12 افراد کا تعلق کراچی اور 1 کا تعلق حیدرآباد  سے ہے ۔

 دوسری جانب ترجمان پرائمری اینڈ سکینڈری ہیلتھ کئیر نے بھی اپنے ایک بیان میں کہا کہ پنجاب میں کوروناوائرس کے مزید 90 کیسز سامنے آگئے جس کے بعد صوبے میں کوروناوائرس سے متاثرہ افرادکی تعداد 1012 تک پہنچ گئی

پاکستان کرکٹ ٹیم  کے سابق کپتان انضمام الحق نے الزام  عائد کیا ہے 2005 میں  انہیں کپتانی سے ہٹانے کے لیے ان کے خلاف سازش  کی گئی تھی۔

 قومی کرکٹ ٹیم کے سابق کپتان  انضمام الحق نے کہا ہے کہ  کچھ پلیئرز نے 2005 میں مجھے  قیادت سے ہٹانے  کے لیے سازش  تیار کی تھی۔

انضمام  الحق نے کہا کہ مجھے اس  دوسرے میں کمزور ترین ٹیم کا ساتھ حاصل رہا،  کچھ اہم پلیئرز نے  دورے پر جانے سے انکار کردیا تھا۔ ان کا خیال تھا کہ اس  سیریز میں ناکامی پر مجھے کپتانی سے ہٹا دیا جائے گا اور انہیں ذمہ داری سنبھالنے کا موقع میسر آجائے گا۔

سابق کپتان اسی ٹور کے تیسرے بنگلور ٹیسٹ کا احوال بیان کرتے ہوئے کہا کہ آنجہانی کوچ باب وولمر دوسری اننگز جلد ڈیکلیئرڈکرنے کے فیصلے سے خوش نہیں تھے مگر میں نے انہیں غلط ثابت کیا۔

انضمام نے کہاکہ میں نے وولمر کو پیغام بھیجا کہ میں اننگز ڈیکلیئرڈ کرنا چاہتا ہوں،انہوں نے جواب دیا کہ کپتان اور نائب کو مل کر فیصلہ کرنا چاہیے۔ میں نے یونس سے کہا وہ راضی ہوگئے۔

سابق کپتان نے کہا کہ جب میں واپس آیا تو ہیڈ کوچ نے کہا کہ میرے خیال میں آپ کا فیصلہ غلط ہوسکتا ہے،  مگر میرا خیال تھا کہ اگر ہم سہواگ کو جلد آؤٹ کرتے ہیں تو میزبان ٹیم دباؤ میں  آجائے گی۔

وفاقی حکومت نے  ملک میں 21 روز میں  کورونا وائرس کے مریضوں کی تعداد 50 ہزار تک پہنچنے کا خدشہ ظاہر کردیا۔

تفصیلات کے مطابق  حکومت  نے کورونا وائرس سے بچاؤ کے قومی ایکشن پلان  کی رپورٹ  سپریم کورٹ میں جمع کرادی ہے۔

رپورٹ میں حکومت نے رواں ماہ کے اختتام تک متوقع کیسز بارے  میں بھی عدالت کو آگاہ کردیا۔عام ،سنگین اور تشویش ناک کیسز کی متوقع تعداد بارے بھی  رپورٹ میں آگاہ  کیا گیا  ہے۔

رپورٹ میں کہا گیا ہے کہ ملک میں  25 اپریل تک کیسز کی تعداد 50 ہزار تک پہنچنے کا خدشہ ہے جس میں سے 7 ہزار کیسز سنگین نوعیت کے ہوسکتے ہیں جبکہ ڈھائی ہزار کے قریب کیسز تشویش ناک ہوسکتے ہیں۔

رپورٹ میں مزید کہا گیا کہ 41 ہزار کیسز معمولی نوعیت کے ہوسکتے ہیں۔

رپورٹ میں یہ بھی کہا گیا ہے کہ  25 اپریل تک  ملک میں کورونا کے کنفرم کیسز کی تعداد یورپ سے کم ہوگی۔ 25 اپریل تک وائرس کی ٹیسٹنگ سہولت میں  بھی اضافہ کیا جائے گا۔

رپورٹ میں عدالت کو آگاہ کیا گیا کہ 366 ملین امریکی ڈالر کی لاگت سے ایمرجنسی پلان کا اطلاق کردیا ہے۔ وفاقی حکومت نے صوبوں اور وبائی ماہرین  کے ساتھ کورونا سے بچاؤ کی گائیڈ لائنز بھی تیار کی ہیں۔

بیرون ملک سے واپس آنے والوں کی اسکریننگ کے ایس او پیز بنائے گئے ہیں۔ائیر پورٹس اور داخلی راستوں پر 222 مشتبہ کرونا مریضوں کی شناخت کی گئی ہے۔ تمام ائیر پورٹس پر کورونا اسپیشل کاؤنٹر قائم کیے گئے ہیں۔

عدالت کو رپورٹ میں بتایا گیا کہ کورونا  سے جاں بحق ہونے  والوں کی تدفین  کے لیے بھی ایس او پیز وضع کیے گئے ہیں جبکہ  کورونا سے بچاؤ کی آگہی مہم چلائی جا رہی ہے۔

رپورٹ میں مزید بتایا گیا کہ  ایران سے ملحقہ بلوچستان بارڈر پر ایمر جنسی کا اعلان کیا گیا ہے۔اسلام آباد میں قرنطینہ کے لیے 300 بیڈز کا بندوبست کیا گیا ہے۔اسلام اباد کے چار اسپتالوں میں 154 بیڈز پر مشتمل آئسولیشن وارڈ بنائے گئے ہیں۔

ملک  میں کورونا وائرس کے مزید 263 افراد میں مہلک وائرس کی تشخیص ہوئی جس کے بعد ملک بھر میں متاثرہ افراد کی تعداد 2691 تک پہنچ گئی ہے۔

تفصیلات کے مطابق ملک میں کورونا وائرس کے آج 263 افراد میں مہلک وائرس کی تشخیص ہوئی جن میں سندھ سے 69  ، خیبرپختونخوا میں 32 ،بلوچستان میں 6، پنجاب میں 147، اسلام آباد میں 6 اور گلگت بلتستان میں 3 کورونا وائرس کے کیسز کی تصدیق ہوئی ہے۔

پاکستان میں کوروناوائرس سے متاثرہ مریضوں کی اعداد و شمار کے مطابق اس وقت سندھ میں 830 ، بلوچستان میں 175 ، خیبرپختونخوا میں 343 ،اسلام آباد میں 68  ، گلگت بلتستان میں 197 ، پنجاب میں 1069 اور آزاد کشمیر میں 9 مریض موجود ہے۔

یاد رہے اس سے قبل ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 69  کیسز سامنے آئے ہیں جس کے بعد صوبے میں کل کیسز کی تعداد 830 تک پہنچ چکی ہے۔

ترجمان محکمہ صحت نے مزید کہا کہ سندھ میں 65  مریض صحت یاب ہوئے ہیں جن میں 39 افراد کا تعلق کراچی، 25 افراد کا تعلق سکھر اور ایک کا حیدرآباد سے ہے جبکہ  13 جاں بحق ہوچکے ہیں جن میں 12 افراد کا تعلق کراچی اور 1 کا تعلق حیدرآباد  سے ہے ۔

دوسری جانب وزیراعلیٰ پنجاب سردار عثمان بزدار  نے سماجی رابطے کی وین سا ئٹ ٹویٹر پر اپنے ایک پیغام میں کہا کہ پنجاب میں متاثرہ مریضوں کی تعداد 1069 ہو گئی ہے۔